«نفسي أكسب من النت… وأول دولار مش راضي ييجي»
لايفمنظومة السبوبة سوا هتمشي معاك يوم بيوم، ٩٠ يوم، لحد ما توصله — مش فيديوهات وتتساب لوحدك.
ابدأ من الكورسات ←أهلًا — أنا
محمد هلال
Gemy · وأغلب الناس تعرفني بـ«جيمي»
أولويتي إني أحل مشكلتك. الفلوس؟ دي بتيجي أوتوماتيك لما أنجح في حلها.
لو انت طالب في السبوبة سوا — الكورسات من هنا.
أنا مش…
كل حاجة أنا «مش هيّ» — ما سبتهاش بقُصر ديل: التزمت بيها فترة كافية، بنيت فيها حاجة حقيقية، وبعدين كمّلت. واللي بيبسطني مش لقب «ناجح» — الرحلة نفسها. وده مش اجتهاد مني، ولكن توفيق منه — الحمد لله.
مش مهندس.
واتخرجت من هندسة عين شمس، قسم ميكانيكا إنتاج — مشروع التخرج: امتياز.
مش بتاع شهادات.
وباخد ماجستير إدارة الأعمال MBA — الترم الأول: ٤ تقديرات A.
مش انفلونسر ولا بلوجر.
وبيتابعني مليون+ متابع، ومحتوايا اتشاف ١٥٠ مليون+ مرة.
مش ماركتير.
وإعلاناتي وصلت لـعشرات الملايين من المستهلكين — وبِعت لأكتر من ١٠٠ ألف عميل خدمات ومنتجات، للأفراد والشركات B2C/B2B.
مش مصمم مواقع.
وأول موقع في حياتي عملته لزميلي في المدرسة بـ٢٥٠ جنيه — وبعدها بكام سنة، كنت المسؤول عن موقع منظمة إقليمية بحجم جامعة الدول العربية، وبستلم شيك بالدولار كل سنة.
مش مصمم تطبيقات.
وصممت من خلال الأجينسي بتاعتي عشرات التطبيقات للعملاء — وآخرها تطبيقي صحيفتي (٢٠٢٦)، لايف دلوقتي على App Store وGoogle Play.
مش بتاع إيكومرس.
وبِعت ٣٠+ منتج — منهم اللي صنّعته بإيدي، واللي استوردته، واللي اشتريته من محل هدايا في مدينة نصر وبِعته بهامش ١٠٠٪.
مش بتاع شحن.
وكنت شريك في شركة شحن بتغطي مصر كلها — بفرعين في مدينة نصر وأكتوبر.
مش بياع كورسات.
وبنيت منظومة طلّعت ٣٠ ألف+ فريلانسر في ٣٢+ دولة — كسبوا عشرات الملايين من الجنيهات (بحساب القصص المنشورة بس).
وجودي في الدنيا هدفه أحل مشاكل الناس اللي حواليا. والمشكلة عشان تتشاف صح محتاجة zoom out — و«بتاع الحاجة الواحدة» مش بيقدر يعمله. عشان كده كل كام سنة، هتلاقيني بتاع حاجة جديدة.
قصتي
من أوضة في ثانوي… لـ٢٢+ مشروع
بدأت وأنا في أولى ثانوي — على طول، مشروع تيشرتات برأس مال ٢٥٠ جنيه رجّعهم ١٠ آلاف. وبعدها شركة لتصميم المواقع اتحولت مع الوقت لـmarketing agency — ٨ سنين كان ده شغلي وأنا بدرس هندسة في عين شمس. ومن ساعتها جربت كل حاجة تقريبًا: صفحات طلبة وصلت لملايين، بوت بيصلّح عربيات كتبت عنه الأهرام، خط إنتاج إضاءة من الصفر، شراكة في شركة شحن، وأكبر كوميونيتي أفراح في مصر — ٦ مليون عروسة وعريس.
في ٢٠١٨ ساعدت Noon Academy تدخل السوق المصري — ٤٠٠ ألف طالب حمّلوا التطبيق من شغلنا. وفي ٢٠٢٢ بدأت أكبر مشاريعي تأثيرًا — بكرم ربنا وفضله: السبوبة سوا، مشروع بشوفه محو للأمية الفريلانسية — بيكسر الحاجز بين مهارات الشباب والإنترنت، ويحوّلها لمصدر دخل مستقل وعملاء من كل العالم.
وفي النص؟ مشاريع كتير ماتت. مش بستخبى منها — بفتخر بيها. كل مشروع مات سابلي مهارة، أو درس، أو سيستم لسه بستخدمه لحد النهاردة. هتلاقيهم كلهم تحت في المقبرة.
دلوقتي بركّز على حاجة واحدة: أستخدم الذكاء الاصطناعي والأتمتة عشان أحل مشاكل حقيقية — بجربها على نفسي الأول، ولما تنجح بحوّلها منتج لغيري.
٢٢+مشروع من ٢٠١١
٣٠ ألف+فريلانسر في ٣٢+ دولة
١٥٠ مليون+مشاهدة للمحتوى
مليون+متابع على المنصات
شغلتي الحقيقية
المشاكل اللي بحلها
كل مشروع عندي ابتدى من مشكلة حقيقية. دوّر على مشكلتك — يا إما هتلاقي الحل جاهز، يا إما إحنا لسه بنبنيه.
«حاسس إني مشتت، يومي بيضيع، وحابب أقرب لربنا أكتر»
لايفاستخدم صحيفتي — نظام تشغيل للمسلم، مبني على تعاليم ديننا الحنيف وكتب علمائنا زي الغزالي وابن القيم.
جرب صحيفتي ←«مهام بتتكرر كل يوم وبتاكل وقتي وفلوسي»
قيد التحضيرBuyback Club — mini-courses، كل واحد بيشرح workflow جاهز تشتري بيه وقتك، من غير ما تكون مبرمج.
buyback.club ←«خايف على ولادي من مخاطر البيت اللي مش واخد بالي منها»
قيد التطويرمخاطر — ذكاء اصطناعي بيكشف مخاطر البيت على الأطفال، قبل ما الحادثة تحصل مش بعدها.
«عندي محل، وعملائي بييجوا مرة وميرجعوش»
فكرة بتتبنيBarberPOS — كاميرا المحل بتتعرف على عميلك لحظة ما يدخل، وبتساعدك تخليه يرجع تاني. أول تجربة: صالون حلاقة.
«عايز أحمي نفسي وأهل بيتي من المحتوى الإباحي»
قيد التطويرتطبيق حماية (لسه مسميتوش) — مش مجرد بلوك وخلاص، تذكير ديني بيكلم قلبك في اللحظة الصح.
«عندي مشكلة… وشايف إنك الشخص اللي يقدر يساعدني»
استشارة مباشرة معايا — نقعد على المشكلة ساعة، ونطلع بخطة تنفذها.
احجز استشارتك دلوقتي١٥ سنة من التجريب
مقبرة المشاريع
مشاريع ماتت وعلمتني. مش بحكيها اعتذار — بحكيها فخر: كل قبر من دول كان مدرسة مدفوعة الأجر مقدمًا. ولسه بتعلم أصعب درس فيهم: إزاي لما اهتمامي ينتقل لحاجة جديدة، المشروع ميموتش معايا — إزاي ألاقيله اللي يرعاه زيّي، وأسلّمه.
2018 – 2020
تاجر | TAJR
المشروع اللي حبيته أكتر من كلهم. منظومة ERP كاملة شغالة على ماسنجر — كانت سابقة وقتها بسنين، وأنا كنت مؤمن بيها أكتر من أي حاجة بنيتها. المطور الوحيد مشي لعرض أحسن… والمشروع مشي وراه. وأنا محاربتش كفاية في آخر أيامه — ده أكبر ندم في حياتي.
الدرس اللي دفعت تمنه غالي: عمرك ما تبني حاجة بتحبها على كتف شخص واحد.
GreyEG
2011–2019٨ سنين مواقع وماركتينج وعملاء. المدرسة اللي خرّجت كل اللي بعدها.
DUT T-Shirts
2012٢٥٠ جنيه بقوا ١٠ آلاف — وقفلنا وإحنا كسبانين. الخروج النضيف مهارة برضه.
Thanawya Sarcasm
2016أول جمهور بنيته بإيدي. الجمهور أصل — يتبني قبل المنتج.
بلية
2017أول ميكانيكي أونلاين في مصر — كتبت عنه الأهرام وCairo360. البريس حلو… بس البريس مش بيزنس موديل.
Gen-Z Network
2018–2020٦ صفحات تعليمية و٢٠ مليون مشاهدة. الموديل اللي بيتكرر أقوى من النجاح اللي بيحصل مرة.
5ARGNI
2019بوت مطاعم انتشر بسرعة. اتعلمت إن الانتشار حاجة… والإيراد حاجة تانية خالص.
Hello Bottle
2019زجاجة ذكية عملتها عشان والدي. Prototype شغال بالكامل… ومنزلش. الجاهز اللي ما اتلنشش = مش موجود.
Hotline العرسان
2019–2021سنترال بـ١٠ خطوط لقاعات الأفراح — لسه بيرن لحد النهاردة. اللي تبنيه صح بيعيش من غيرك.
قايمة العروسة
2020أبلكيشن لسه لايف على Google Play. الأصول الساكتة ليها تمن نفسي — حتى وهي ساكتة.
جوازة
2020–2022٦ مليون عضو — أكبر كوميونيتي أفراح في مصر. اللي مبني على أرض غيرك، غيرك ممكن ياخده في أي لحظة.
Light Corner
2020–2021ربع مليون جنيه في ٣ شهور. سبته — والمنافس اللي كمّل بجودة أعلى لسه بيبيع لحد دلوقتي. الاستمرار بيكسب.
HandinHand
2020اتبنى في شهر واحد وباع ٥٠٠+ قطعة في كل مصر. السيستم اللي تبنيه مرة — بتعيد استخدامه ببلاش.
René
2020٥٠ أوردر وهوامش ميتة. قفلته بقرار — تموّت مشروعك بإيدك أشرف من إنه يموت لوحده.
UGC 4 Arab
2021عميلين اتنين — والاتنين استردوا فلوسهم. التعقيد التشغيلي بيقتل أسرع من السوق.
تواصل
كل حاجة… وليها بابها
أنا مش بفتح رسايل المنصات كتير — فعشان توصل بسرعة، ادخل من الباب الصح:
الكورسات ودعمهافريق السبوبة سوا بيرد عليك هناك
صحيفتيكل حاجة عن التطبيق ودعمه
الاستشاراتاحجز ساعة معايا مباشرة
وعايز تتابع أخباري؟ أنا بنشر هنا: